MORNING NEWS HEADLINES_2077_01_20 - NEWS24 TV

नेपालमा कोरोना भाइरसबाट संक्रमित हुनेको संख्या ५९ पुगेको छ । मुलुक लकडाउनमा छ । श्रमिकहरु राहतको पर्खाइमा छन् । यही नै बेला प्रधानमन्त्री ओलीकै पार्टीका नेताहरू भने उनलाई सत्ताबाट हटाउन निकै सक्रिय देखिएका छन् । तर, कोरोनाविरुद्ध सरकारको कामलाई लिएर नभई अध्यादेश र भ्रष्टाचार प्रकरणबाट आलाचेना भएको मौकामा ढाल्न सजिलो हुने ठानेर सत्ताका लोभमा नेकपा नेताहरु नै एकत्रित भएका हुन् । त्यसमाथि पनि आम नागरिकको चिन्ता भन्दा पर प्रधानमन्त्री परिवर्तन र मुलुककै ठूलो दलमा देखिएको विवादलाई लिएर नागरिक थप आक्रोशित भएका छन् । तर, पनि नेकपाभित्रको पछिल्लो अवस्थालाई हेर्ने हो भने ओली संसदीय गणित बाहेक सचिवालय र स्थायी कमिटीमा अल्पमतमा छन् । यता, विवाद नबढाउन देश्रो तहका नेताहरु मध्यमार्गी प्रस्तावको खोजीमा छन् । यही समयमा चिनियाँ राजदूतले नेकपाका नेतालाई भेटेर देखाएको सक्रियताले समेत प्रश्न उठीरहेको छ । अब आज सचिवालय बैठक बस्दैछ । निष्कर्ष पक्कै केही निस्केला, आशा गरौं ।

मनिङ न्यूजका हेडलाइन्स ।

१. ताप्लेजुङको सदरमुकाम फुङलिङ बजारमा राति भीषण आगलागी, सात घर र पाँच घुम्ती पसल जलेर पुर्णरुपमा नष्ट ।

२. विवादका बिच आज नेकपा सचिवालय बैठक बस्दै, ओलीको राजीनामादेखी बामदेव गौतमलाई प्रधानमन्त्री बनाउने विषममा छलफल हुने ।

३. एमसिसीका प्रावधानले राष्ट्रिय सार्वभौमिकतामा सम्झौता गरेको नेकपा कार्यदलको ठहर, परिमार्जन गर्न सुझाब, परराष्ट्रमन्त्री ज्ञवालीको फरक मत ।

३. प्रदेश पाँचको रुपन्देही र बाँकेमा पनि देखियो कोरोना संक्रमण, संक्रमित संख्या ५९, प्रत्येक परिवारबाट एक जनाको परीक्षण गर्न संसदीय समितिको निर्देशन ।

४. कुनै प्रतियोगिता नभएकाले आइसीसीको वरीयतामा परिवर्तन भएन, नेपाल एकदिवसीयमा १६ औं र अन्तर्राष्ट्रिय वरीयताको १५ औं स्थानमा ।

५.र, विश्वभर कोरोना संक्रमितको संख्या ३४ लाख नाघ्यो, एकैदिन १ लाख संक्रमित, ६ हजारको मृत्यु ।

SUBSCRIBE :http://www.youtube.com/user/news24tvchannel
WEBSITE : WWW.NEWS24NEPAL.TV

#News24Nepal #SidhaKuraJanataSanga #PowerNews