Top News - Kreditë me problem/ BSH-u rritën gjatë shtatorit

Kreditë e këqija pësuan një rritje të lehtë për muajin shtator dhe arritën në 8.3%, nga 8.13% që kishte qenë për gushtin. Të dhënat e Bankës së Shqipërisë tregojnë se as në muajin e parë të daljes nga moratoriumi i pagesave ky tregues nuk shënoi rritje shumë të lartë. Kjo ishte e pritshme, duke qenë se afati i përcaktuar nga kërkesat rregullatore të Bankës së Shqipërisë për t’i klasifikuar kreditë si problematike është të paktën 90 ditë. Raporti i kredive me probleme është rreth dy pikë e gjysëm më i ulët krahasuar me vitin e kaluar dhe gjatë gjithë vitit 2020 ka qenë i qëndrueshëm në intervalin me 8.1% dhe 8.3%. Gjatë tremujorit të tretë bankat kanë ndjekur një qasje më të kujdesshme dhe kanë rritur privilegjet krahasuar me dy tremujorët e parë të vitit. Por tashmë pas kufizimeve te dyta që u ndërmorën gjatë valës së dytë bankat duhet ende të kuptojnë pasojat që do reflektohen ne ekonom edhe në sektorin bankar. Duke qenë se masat e përkohshme rregullatore janë shfuqizuar, tashmë efektet e valës së dytë të pandemisë mund të përcillen më shpejt. Deri në mesin e këtij viti, bankat dhe institucionet financiare shtynë rreth dy miliardë euro portofol kredie, ndërsa një pjesë e huamarrësve vendosën të përfitonin edhe nga periudha e dytë e shtyrjes, në periudhën qershor-gusht. Nëse ekonomia mbyllet sërish, Banka e Shqipërisë mund të vendoset para dilemës për të riaktivizuar masat prudenciale që mori në pjesën e parë të këtij viti. Por në deklarimet e fundit publike, drejtuesit e BSH kanë lënë të kuptohet se janë kundër përcjelljes së mëtejshme të kostove të krizës te bankat, çka nënkupton se një moratorium tjetër në bllok nuk është një zgjidhje e preferueshme.

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#BSH#Kredite#TopChannel